Non existís un unic tipe d’edat

Soent assumim qu’era edat cronologica rebat era maturitat emocionau e era sua capacitat de hèr tèsta a diferentes situacions, mès non ei pas atau: cada persona viu e experimente realitats diferentes, non i a ua unica manèra de víuer era vida dera madeisha manèra que non i a solament un unic punt d’enguarda, e d’ací que trobam era edat mentau e era edat emocionau, entre d’autes.

Era edat mentau correspon ara capacitat de cada persona entà compréner, exprimir e controtlar es sues emocions d’ua manèra sana e adequada, o era manèra coma se restaque damb era rèsta de persones, en termes d’abiletats cognitives.

Era edat mentau pòt afectar ara maturitat de cada persona de manères diferentes, coma era salut mentau, es relacions interpersonals, eth maneig deth estrès e era prenuda de decisions. Donques, era melhora d’aguesta ei un procès constant e individuau..

Fixem-mos, per exemple, damb es mainatges damb nautes capacitats o superdotats: an ua edat mentau superiora ara sua edat cronologica. Era edat mentau se restaque, sustot, damb era intelligéncia. Per contra, era edat cronologica ei ua simpla mesura dera data de neishença en un calendari.

Leta Hollingworth comprenie era superdotacion coma un conjunt complèxe d’ahèrs de tipe psicologic provenent des disparitats existentes entre era edat mentau e era cronologica en mainatges superdotats, e establic que coma mès luenh se tròbe eth mainatge superdotat dera intelligéncia mejana entara sua edat cronologica, mès grani seràn es sòns problèmes d’adaptacion . Dit d’auta manèra: se ditz que son “desincronizadi” o “out of sync” pr’amor qu’era sua edat emocionau, intellectuau e fisica non coïncidissen, presenten un desvolopament asincròn en tot auer “diferentes edats” ath madeish temps .

Auer era maturitat mentau d’un mainatge de 14 ans e era maturitat fisica d’un de 8 ans supause un conjunt de rèptes, que son analògs e as que li cau hèr tèsta dera madeisha manèra. Per açò madeish son vulnerables e cau hèr modificacions ena forma de criança, era forma d’ensenyança e d’assessorament pr’amor que poguen desvolopar-se dera melhora manèra possibla.

En paraules de Annemarie Roper, era superdotacion ei un estat de consciéncia mès anautita, de major sensibilitat e d’ua major capacitat entà compréner e transformar es estimulacions en experiéncies intellectuaus e emocionaus .

Eth temps a ua importància principau as nòstes vides, pr’amor qu’influís de fòrça manères, n’acabam de veir solament ua. Sentes qu’era tua edat cronologica se correspon ara tua edat mentau?

📎 Oliva, J. [Jesús]. (2024, 30 julhet). Non existís un unic tipe d’edat. PsicoPop. https://www.psicopop.top/oc/tipe-edat/

📖 Referéncies: