Albert AlcaineQuasi toti quali compartissen ua abraçada en tot èster un gran reconfort, patz… Era sciéncia a estudiat es sòns efèctes e, bèri uns d’aguesti, son fòrça interessants. Com, un gèst tan simple, pòt alleujar-nos tan? Per qué mos reconforten?
Ua abraçada ei mès qu’ua abraçada: pòt èster ua mòstra d’amor, de tendresa, un “sò ací”… Substituís un bon nombre de paraules, e açò madeish, era calor umana, eth contacte, mos hè a sénter ben. Se tracte d’un lenguatge non verbau que mos hè a sénter ben.
Se tròbes ua persona atau, quauquarrés a qui pogues abraçar e damb era que poderàs barrar es uelhs a tota era rèsta, pòdes considerar-te fòrça afortunat. Encara que dure ua menuta, o un dia.
Abraçar apòrte beneficis com :
- Diminucion dera estrès.
- Sensacion de seguretat e emparament.
- Ajuda ara nòsta autoestima.
- Remane energia e fortalesa.
- Melhore es relacions interpersonaus.
- Promò era sensacion de tranquillitat.
Un ancian arrepervèri ditz qu'”un punet sense ua abraçada ei coma ua flor sense era fragància“, mès qué an es abraçades que mos shauten tant?
Segons un estudi deth 2018 publicat ara revista PLOS One es abraçades serien un des gèsti sociaus que mès mos reconfortarien deuant d’emocions negatiues : quan ua persona entre eth conflicte damb ua auta, s’aqueth madeish dia a arrecebut ua abraçada, eth sòn estat emocionau non empejore tant coma en cas de non auer-ne arrecebut cap.
💡 Era abraçada neutralize es sentiments negatius e evite qu’amendrisquen es positius. Es resultats s’observèren tant es òmes coma en hemnes, se ben es hemnes expliquèren qu’auien estat abraçades mès dies qu’es òmes.
D’autra banda, remanen cauma e patz . Ei ua forma non verbau de comunicacion fòrça potent, que sentem entà eth a materializar-se eth ligam damb era auta persona, çò que mos hè a sénter segurs e damb cauma.
Mès tanben genèren plaser. Eth 2021 uns investigadors dera Universitat de Londres publiquèren ara revista Acta Psychologica un estudi qu’explicaue qu’es persones, dempús d’arrecéber ua abraçada, experimentauen plaser, e qu’aguestes podien influïr en excitacion pendent un periòde cuert de temps .
Fisiològicament, favorissen era regulacion dera tension arteriau, donques que mos hèn a liberar oxitocina, era hormona encargada de hèr-mos sénter plaser, entre autes foncions. Eth oxitocina hè qu’era tension arterial se regule.
Abraçar quauquarrés, com è comentat abans, mos reconforte, pr’amor qu’ei ua manèra d’estrénher ligams, de potenciar era confidança entre dues persones, e hè que mos sentem ben. Èm èssers sociables, cercam e auem de besonh es auti e, se trobam aguesta correspondéncia, era preséncia der aute, mos genère benester e caudesa umana.
Fin finau, hèn a senter-mos segurs, protegidi, acuelhudi… E aguesta sensacion de refugi sorgís damb eth contacte damb er aute còrs.
Es melhors abraçades son es que duren entre 5 e 10 segons, deth temps qu’es mèns plasenti son es que duren ath torn d’un segon . Èster mès o mens apròp o era nautor non condicionen era idèa qu’ua abraçada sigue melhora o pejor.
📎 Alcaine, A. [Albert]. (2024, 28 Agost). Eth poder des abraçades. PsicoPop. https://www.psicopop.top/oc/eth-poder-des-abraci/
📖 Referéncies:
Des abraçades m’agraden quan hè temps que non veigui un familhau aur amistat, tanben quan sò trista, Mès quauquarrés me hè ua abraçada e non çò o la coneishi massa, non m’agrade gèns ni mica.
A jo me passe çò de madeish, mès ei vertat que sò fòrça d’abraçar 😊