Era invalidacion des emocions

“Non patisques, açò non ei arren” o “ès un exagerat pr’amor que tot t’ac prenes fòrça ara valenta“… Frases coma aguestes son invalidants tàs tues emocions. I a fòrça manères d’invalidar es tues emocions e, de hèt, pòt èster un problèma recurrent ena tua relacion de parelha.

Perméter qu’ua auta persona age eth sòn espaci e era sua capacitat emocionau individuau, non toti ac comprenen ne ac faciliten.

Era validacion emocionau ei un estrument de comunicacion essenciau, un canau fantastic entà exprimir amor e acceptacion enes relacions. Hè’c – e a hè’c plan – ei un nutrient basic ena criança, en desvolopament psicologic des mès petiti e eth lenguatge que mos cau emplegar en tota sòrta de ligam damb es persones que mos rodegen.

Parlar des nòstes emocions ei un rèpte e un exercici de confidança, afècte e respècte que non ei possible auer damb toti, e per açò mos cau èster selectius damb es persones damb qui compartim eth nòste univèrs emocionau. Díder des deth còr un “te compreni” o “compreni peth que çò que passes” o, mès encara, “compreni per qué aguesta situacion te genère molèstia” ei ua forma de validacion emocionau importanta .

Era invalidacion emocionau ei un fenomèn mès complèx deth que semble: quitament nosati madeishi invalidem, soent sense sabé’c, es estats emocionaus nòstes e des auti, pr’amor que des de mainatges se mos an inculcat uns còdis, ues formes e percepcions errònies. “Tranquil, non passe arren, tard o d’ora passarà“… Assolaçam e aufrim supòrt damb tota era bona intencion sense saber qu’aguesta bona intencion, a viatges, coarta e bloquège.

Vau era pena er esfòrç d’arrespóner ara invalidacion emocionau? Podem hèr-mos bères qüestions entà esclarir es nòsti objectius e opcions:

• Èm apròp d’aguesta persona?
• Mos impòrte era sua opinion?
• Aguesta persona a estat interessada a compréner es nòsti sentiments en passat?
• Ei un bon usatge deth nòste temps e energia ajudar a compréner es nòsti sentiments?
• Aguesta persona acostume a invalidar es nòsti sentiments?

Atau mos encuedaram que, a viatges, non vau era pena sajar qu’un estranh o, dilhèu, un coneishut comprene es nòsti sentiments. Com mès estreta ei era relacion, mès importanta ei que comprene coma mos sentem.

☝🏻 Era clau non ei deishar-se portar per un debat sus eth quau a o non a era arrason, mès en establir un limit qu’indique com volem que mos tracten e deishar era situacion, o era relacion, se non se respècten es nòsti besonhs.

Ei important, donques, saber quan utilizam aguestes actituds e expressions. Vedem-ne bères ues a continuacion .

“Non n’i a entà tant!”

Guairi còps ac auem dit e mos ac an dit? Tau còp auràn utilizat un “açò non ei arren!” O “ei que tu te preocupes per tot“. Aguest tipe d’expressions mos hèn a sénter coma es reis deth drama o, pejor encara, persones emplastiques d’abordar es dificultats dera vida, creatures pòc competentes en matèria emocionau.

Aguesta frasa ei fòrça comuna e repetida ena enfància.

☝🏻 Fixa-te que validar ua emocion non signifique pas que i sigues d’acòrd: ei dar un espaci pr’amor que s’exprimisque, la sente e se percebe acompanhat e comprenut.

“De vertat que plores per açò?”

“Com se t’acut plorar per aguesta pegueria!“, “De vertat? Se non vau era pena preocupar-te per aguestes causes!“. Son frases perfèctes per mauméter era autoestima, donques qu’actuen coma estrument entà minimizar o infravalorar era nòsta preocupacion, tristesa, decepcion o enuig.

Guarda que, encara aué, era expression e eth desfogament emocionau a trauès des lèrmes contunhe en tot veder-se damb incomoditat.

“Non penses açò… Contunhe tà deuant”

Dem-li eth torn: imagine que hè mès d’un an que te prepares ua maraton, e un mes abans as un accident e te trinques ua cama. Òc, te sentes trist, desolat, enfadat… E quauquarrés fòrça pròplèu a tu, que t’estimes te ditz que contunhes tà deuant. Damb era cama trincada? Com se supause que poderàs hèr ua maraton damb ua pauta trincada?

Eth dolor ei aquiu: non pòdes caminar, non pòdes mòir-te e era decepcion ei enòrma dempús der esfòrç qu’as hèt, no la pòdes a amagar, boçar ne ignorar!

“Non discutirè açò damb tu”

Aguesta ei fòrça frequenta enes relacions de parelha: quan sorgís bèra discordància o quin problèma que sigue, era auta persona mos avertís que non discutirà damb nosates. Normaument, se hè en tot auçar era votz coma avertiment o de forma contondenta.

Aguest ei un exemple de comunicacion violenta: non solament mos invalide, mès que mesestime era nòsta opinion, perspectiva e besonhs.

“T’enfades per tot, damb tu non se pòt parlar!”

Ua expression fòrça coneishuda en era que se mos ditz que tot mos ac prenem peth costat dolent, e que non se pòt parlar damb nosati pr’amor que totara mos enfadem. Compartir era vida damb quauquarrés, sigue un familhau o ua parelha, que mos ac repetís de manèra constanta pòt acabar en tot èster fòrça lesiu.

“Non cau que te metes atau!”

Que te diguen que pares, que te calmes, que non te metes atau… Ei ua auta manèra de invalidacion emocionau. Ei probablament çò de mès de comun e frequent, e uelh viu: se li didem a un mainatge, intensificarem encara mès es sues emocions e no l’ajudaram a manejar era sua realitat intèrna.

Implique mesestimar era situacion, es sentiments e era experiéncia qu’en tot èster.

“Ès massa sensible”

“Ès massa sensible, tot t’afècte!“, Coma se sobredimensionéssim bères causes, coma se reaccionèssem de forma massa intensa… Çò que mos hè a sénter soleis e incompresos.

“Jo è ja passat per açò, poirie èster pejor”

E òc, ei possible que l’age viscuda, mès didé’c atau ei de quauquarrés que infravalora era nòsta realitat emocionau en soslinhar-mos qu’es causes poirien èster pejors… E tant! Tostemp pòden èster pejors! Mès ath delà, era persona que mos ac ditz remèrque qu’a ja passat peth madeish e que “non n’i a entà tant“.

Quan quauquarrés patís, quan quauquarrés brega damb un instant d’anautita complexitat emocionau, eth darrèr que demoram ei que recorren a narcisismes deth tipe “açò non ei arren, eth mèn siguec mès important” o eth “ei que tu t’estofes en un vas d’aigua e jo sabi nadar entre taurons“.

D’autes frases…

• Dilhèu non compartisqui era tua emocion, mès respècti que te sentes atau.
• Explica-me mès.
• Voi a compréner qué t’arribe.
• Senti que sigues argaròt.
• Pogui hèr quauquarren entà ajudar-te?
• Plore, s’ac as de besonh.
• Qué sentes?
• Compreni qu’açò ei important entà tu.
• T’escoti.
• Non sabi qué dider-te ara madeish pr’amor que sò bloquejat, mès se vòs, explica-me mès en prigondor.
• Arrebrembe que sò ací peth que ages de besonh.
• Non tibat per qué desencusar-te entà senter-te atau: es tòns sentiments son importants!

• Non tibadi motius entà meter-te atau
• Qu’exagerat qu’ès!
• Te cau èster mès optimista!
• T’as enfadat per açò?
• Tanpòc n’i a per tant!
• Te calerie apréner a èster mès fòrt.
• Jo tanben è ànsia pr’amor qu’è fòrça causes entà hèr.
• Aute còp atau…
• Ès massa sensible!
• Te cau meter-i dera tua banda entà animar-te.
• I a gent qu’ei pejor!
• Sò segur que non n’i a entà tant.
• probablaments t’ac as prenut massa de forma personau.
• Solament te cau deishà’c anar.
• Diu non te da mès deth çò que pòdes manejar.
• Tot succedís per bèth motiu.
• Li dongues fòrça importància a tot.
• Probablament non ac as comprenut ben.

📎 Alcaine, A. [Albert]. (2024, 09 octobre). Era invalidacion des emocions. PsicoPop. https://www.psicopop.top/oc/invalidacion-des-emocions/

📖 Referéncies: