Mau UrrutiaE tant se coneishem bèth rei o reina deth drama! Tot les supère! Tot les ges mau! Ara ben… Qué i a darrèr d’aguestes reaccions emocionaus? Qué ei çò que poirie mancar?
Es reis e es reines deth drama semblen que van de crisi en crisi, de catastròfa en desgràcia e, dempús, tath desastre totau sense saber-ne massa plan eth motiu. Es sues reaccions emocionaus son, soent, desproporcionades e an eth don d’arténher que toti es auti les calgue èster pendenti des sues tristors e desgràcies quotidianes.
Es sues vides semblen un teatre a on non deishen de passar incidents, torns inesperadi deth destin e situacions estrambotiques, un vodeviu permanent. “Ei que tot m’arribe a jo!“, “Era vida m’ei advèrsa!“…
Son persones, simplament, damb malastre… O i a bèth problèma subjacent que calerie tier en compde?
Se caracterizen, basicament, per maximitzar problèmes petiti, sobredimensionant-los e en tot auer de besonh eth nòste supòrt cada dus per tres. En tot voler o non se convertissen en centre d’atencion, e resulten cansadi.
I aurà persones que hèn evident ua conducta mès exagerada e d’autes, que ne hèsquen deth drama un eveniment puntuau o ocasionau.
Eth problèma rai en ua tendéncia ara sobreemocionalitat, ei a díder, gerissen mau es sues emocions e maximitzen es sues emocions polaritzant-es enes extrèmi, coma son eth panic, era mauestar, eth desespèr…
Ac hèn de manèra involontària, ei a díder, non cerquen a cridar era atencion, encara que la criden, e a viatges pòt auer-i ua basa biologica ath darrèr. Un trauma o ua immaturitat emocionau ne son es causes mès freqüentes.
Un punt caracteristic d’aguest tipe de persones son es nauti e es baishi. Per norma generau son persones carismatiques, damb abiletats sociaus entà hèr amics, entà connectar es uns e es auti per aguesta intensitat naturau en tot aquerò que hèn, mès ath madeish temps les definís ua inestabilitat emocionau, un shinhau bipolar: aué sò a full, motivat, plen d’energia e, pòc dempús, an de besonh bèra espatla a on plorar, quauquarrés qu’escote es sues tristors, aquerò tan negatiu e en tot desesperar que les a arribadi.
Segurament ja imagines que, fòrça còps, trobam ua depression encurbida, caracteristica dera dificultat entà gestionar petites dificultats deth dia a dia, e d’aguestes fluctuacions en estat d’ànim, as que s’amassen problèmes de sòn alimentacion, eca.
A viatges era responsa ei ena mainadesa. I a estudis que soslinhen qu’ua persona pòt arribar en aguesti extrèmi a causa de factors coma eth mautractament, puniment fisic, er abandonament o era negligéncia emocionau, que pòden derivar a desvolopar aguesti tipes de parrabastatges .
I a, mès, ua tribu concrèta de reis e reines deth drama que son mès problematics: es qu’an un parrabastatge histriònic dera personalitat: I a qui hè deth drama era forma de vida, e son facilament identificables pr’amor que:
- Exprimissen es sues emocions de manèra teatralitzada e exagerada.
- Demòstren cambiaments fòrça bruscos d’umor.
- Son facilament influenciables per autes persones.
- An de besonh èster eth centre d’atencion.
- Acostumen a èster provocadors, atrèir a trauès deth sòn comportament, er aspècte fisic, eca.
- Se prenen libertats damb es auti, quitament incomodant qui les entornegen.
- Dificilament se responsabilizen des problèmes.
- Acostumen a èster fòrça, fòrça immadurs.
Cau apréner a racionalitzar-ac en lòc de reaccionar ar instant deuant quinsevolhe causa que mos arribe, préner aire, arturar-mos e soscar, non deishar-mos rosigar ne sequestrar pes emocions: passam un filtre dera analisi entà compréner qué ei çò qu’a passat, per qué a passat e qué mos calerie hèr. Cau a compréner qué senti, qué me ditz era emocion e coma controtlar-la e quin tipe de reaccion li calerie aplicar entà senter-me melhor.
E se subjau ua depression encorbida, cau cercar ajuda.
📎 Urrutia, M. [Maurici]. (2024, 05 octobre). Drama king, drama queen. PsicoPop. https://www.psicopop.top/oc/drama-king-drama-queen/
📖 Referéncies:
