Ei important gestionar de manèra mesurada es nòstes emocions deuant de quinsevolh situacion malaurada que mos pòt passar: Ei a díder, ei important expressar coma mos sentem sense portar-ac ar extrem ne exagerar-ac. Cau saber méter perspectiva e relativizar era situacion. Pòt èster bona idea preguntar-mos qu’ei eth pejor que mos pòt passar; d’aguesta manèra dilhèu mos daram compde que non ei tan greu.

En prumèr loc, cau identificar perqué era situacion ei problematica e quina mida a eth problèma. Dempús, cau assegurar-mos còm podem solucionar aguest problèma e passar ara accion. D’aguesta manèra, poiram èster mès tranquils. En cas qu’ajam dificultat entà reconéisher era importància des situacions que mos angoishen ei convenient demanar era ajuda d’un professionau dera psicologia.

Tanben ei important tier en compde que non èm es uniques persones que patisquen aguest tipe de problèmes, e non tot mos passe a nosati. Ua bona estratégia, ei pensar que tostemp qu’ajam un problèma, tier en compde que non èm solets e podèm demanar ajuda e conselh, en tot tient en compde de non portar eth problèma ar extrem.