Deuant de situacions problematiques que mos pòden passar, ei important validar es nòstes pròpries emocions e saber a quines persones vau era pena expressar coma mos sentem, pr’amor que sonque aguestes persones son de confidança, an empatia, mos acompanhen e vòlen compréner-mos.

Per auta banda, tanben mos cau èster conscients de non invalidar es emocions des autes persones, pr’amor qu’aguestes persones tanben passen per problèmes, coma nosati.

Ara ora d’educar a un mainatge/ua mainada, ei important ensenhar-lo a expressar-se coma se sent d’ua manèra descriptiua, pr’amor qu’atau, poirà afrontar problèmes damb ua percepcion adequada. Tanben cau cuedar çò que diem, pr’amor que maugrat era bona intencion, es nòstes paraules pòden auer conseqüéncies a long termini.

Ua bona estratégia ei opinar mens e escotar mès, pr’amor que dar era nòsta opinion, en fòrça casi, ei innecessari.