Soent, auem qüestions que non an responsa, mès sajam de trapar ua responsa e un sentit, soent en forma de teoria o modèl, pr’amor qu’ua teoria pòt explicar perqué quauques ues causes passen.
Entà explicar causes qu’auem experimentat (coma per exemple, eth tapatge d’ua tempèsta o ua manèra de sautar) a ua persona que non ne sap arren, ua bona estrategia ei proporcionar-le informacion e recorsi entà qu’era persona pogue hèr-se ua idea sus çò qu’auem experimentat.
Era consciéncia te permet èster pro atent ath tòn entorn e tier en compde uns factors entà préner ua decision damb sen. Un exemple de responsa a ua qüestion damb consciéncia fenomenologica (per exemple, Coma te sentes en tot jogar a rugby?) ei ua responsa subjectiva (per exemple, Me sènti fòrça ben, pr’amor que m’agrade hèr espòrt). Per auta banda, era consciéncia foncionau hè qu’aguesta responsa influïsque ara persona ena sua manèra d’èster.
De moment, non sabem se poderam resòlver mès trinca-caps, a banda d’aqueri que ja auem resòlt, mès dilhèu mès endauant, traparam era solucion entàs restants.